رميت سؤال للبحر
يا بحر حبيبتى جات هنا قبلى؟
رد عملت ما سمعتوش
البحر دا حويط وفاهمنى
البحر دا عجيب وعليه حاجات
خدنى ف مشوار بعيد
كله خيال ف خيال
قال ايه قال
حبيبتى جات
وقولتها شايفه هناك البنات
ومعاهم حبايبهم
بيقولوا لبعض كلام حب
اقولك زيهم
بس انتى احلى منهم
شايفة الموج ازاى مكسوف
مكسوف قوى الموج
مكسوف عارفة ليه؟
عشان من جمالك محروج
شوفى القمر فوق
مستخبى خجلان من نورك
وحضورك
دارى ع الشوق والحب
لاحسن كلهم بيحسدونك
البحر دا غويط ولئيم
خلانى ساعات وساعات
تايه ف وهم الاحساس
وتهيؤاته وتاثيرها
من غير ما يقولى
ما فقتش الا برنة محمولى
كان واحدصاحبى و بيعيد
سالنى انت فين و بتعمل ايه؟
واخدك مننا الشعر
حكيتله الحكاية من اولها لاخرها
ضحك وقالى
ضحك عليك البحر
تعيش وتاخد غيرها
الشاعر عبد الله الهوارى قنا قوص جرا جوس
ليست هناك تعليقات:
إرسال تعليق