حـزين / خاطرة محمد لبيب

حـزين وما تسـألش حزين من اٍيه
من ضحكة ماتت ولا من اٍيه وليه
كفاية أحكى حكايتى وعليك تسمعها
من أول سنين الحنين لحد شوقى عليه
تفهم لوحدك حكايتى وليه دايما حزين
وليه بطلت أكتب وحروفى ماليها أنين
يمكن تهدأ شويه دموعى المشتاقة اليه
بموت يحضن ضلوعى وتنهى معاها سنين
كنــت فيها سعيـــد بثوب الحب البعيــــد
عشت فيها السعادة وكنت فاكرها أكيد
سامحينى يا عيون ضحكتى يا عيون بهجتى
الحب وسط العيون دايما معايا عنيد
من تلات سنوات حبيتها وعشقت خطوتها
ورسمت الحلم البعيد على جمال ضحكتها
وقولت خلاص فى روح الحب هاحب
ولا يمكن حد يفرقنى ولا يفرقها
لاقيت الدنيا الظالمة واخدانى لهناك
لآبعد نقطة فى موج البحر ورامى شباك
الكره لقلوبنا والبعد صايبنا بأيدين حبايبنا
ورامى شباك قبح اللسان ويفرقنى معاك
وأنا عنيد ومتمسك بحبك بــ احلامى
ما تقولشى سنين ولا شهر وثوانى
قول عمر بحاله والشهود ادخل هنا
بين الرموش والننى يبان انا حالى
تلقى الضحكة فيها بقت بحر دموع
لا طايلة تبتسم ولا حتى ليها رجوع
خايفة من حكم الزمن عليا وعليك
تقتل فينا الانتظار وتولع علينا شموع
كفاية احكى يا قلبى لانك حاسس كلامى
لو قولت حكايتى هاتموت واكون انا الجانى
تعالى امسح دموعى قبل ما اودع الحياه
واكتب نهاية اسمى وأمسح كل حياتى
...........................
خاطرة محمد لبيب